Robert Downey Jr. gjer ein solid innsats som Tony Stark i denne påkosta filmatiseringa av Marvel sin jernkledde helt “Iron Man”.

For sjølv om “Iron Man” ikkje står høgt på favoritt-lista over Marvel-figurar, så reddar Robert Downey Jr. både filmen og “Iron Man” sitt rykte. (Han har nemleg vorte sett på som denne slemme ulven i nyare Marvel-teikneseriar etter at han slåss med dei andre heltane som forkjempar for registrering av superheltar i “Civil War”)

Men nok om teikneserieverda. “Iron Man” si verd er ei kald kynisk verd med rike forretningsfolk og slemme terroristar. Tony Stark har levd eit playboyliv som våpenleverandør i toppklassen, heilt til eit terroråtak set han attende på rett kjøl.

Kledd i ei uovervinneleg jerndrakt kjempar han mot tidlegare venner og nye fiendar. Det er ikkje måte på kor bra effektar og kor stilig actionscener “Iron Man” byr på. Våpenbruken i denne filmen er så stilig at det er berre å gje seg ende over og ta bølgja samstundes.

Handlaser, repulsorvåpen og minirakettar fyk ut av rustninga og sprerblanda fryd både blant fiendane og publikum. Matrix, Superman og X-Men – gå og vogg. “Iron Man” er ti gonger kulare,

Sjølv om filmen har litt få hovudpersonar og dei færraste har noko anna å gjere enn å gå og luske og blidgjere Tony Stark, er det mange gode skodespelarpresisjonar og ei god tone i heile filmen. Robert Downey Jr. si tolkning av Tony Stark er den beste nokon gong, og vil for all framtid vere milepælen for korleis den karakteren skal vere.

Gå og sjå “Iron Man”. Det vil du ikkje angre på… Ein knallbra film.

“Iron Man 2″ skal ha premiere sommaren 2010, og dersom regissør Jon Favreau takkar ja til jobben kan det hende vi tek bølgja på ny om to år. Flott levert Hollywood, endeleg ein skikkeleg superhelt film igjen.

Iron Man 2008 trailer